عسى السحاب اللي تكاشف بروقه

تمطر هماليلـه علـى دار الاحبـاب

وتسيـل وديـانـه وتــروى عـروقـه

وياخذ ثـلاث ايـام والوبـل صبـاب

ديــرة ولـيـف كــل زيـــن يـلـوقـه
وبينـي وبينـه وقفـت كـل الاسبـاب

عـزالله ان عيـنـي لشـوفـه شفـوقـه
وفرقاه داي وشوفته كـل الاطبـاب

وصدري على فرقاه يجدب خفوقـه
ولقياه لي مثل الحيا عقب الاجداب

ياتل قلبـي تـل طيـر لسبوقـه
من كف صقاره كفخ والشفق غاب

من اول والحب ما اعرف طروقـه
لو قالوا ان الحب قاسي وغـلاب

الين شفت اللي عشقتـه عشوقـه
غرو سلب عقلي وانا منه منصـاب

صواب نجل ويـل منهـي تعوقـه
بسود مظاليل على الخد سكـاب

وخدٍ مثل صبح يشعشـع شروقـه
وشقر ( ذوايبها ) على المتن تنساب


عزالله ان عينـي لشوفـه شفوقـه
وفرقاه داي وشوفته كل الاطبـاب

لا تــأسفن على غــــــــــدر الزمـان لطالما
رقصت على جثث الأســــــــود كــــــلابُ
لا تحسبنّها برقصها تعلو علـــــــى أسيادها
تبقى الأســـود أســــودُ والكــلاب كــــلابُ