يفز لك قلبي إلى مر طريــاك يفز لك يابعد منهو غدالـــــي
ياما حلا زولك وجسمك وممشـــاك أسمع خطا رجلك بسود الليــــــالي
ولهان ياروحي على شف لامــــاك زولك ورسمك مايفارق خيــــــالي
لاتحسب إني ياهوى القلب بســـــــلاك يشهد الله مانيب ســـــالي
ياعل منهو ولامني يفـــــــداك يامنوتي ويابعد منهو بقــــالي
يحن قلبي كل مامر ذكراك وأفرح إليا شفتك دقيقة قبـــــالي
ودي أضمك بالحشا بس مقواك لك إرادة تشبه غليظ الجبــــــالي
طبعك غريب وغرق حبك بحمـــــاك يعجز على فعلك شديد الرجــــــالي
خليتني يازين في ظل رجــــــواك وظلمتني وأنت شريك لحــــــالي