طال السكوت وفور الصمت دمي
ماللكلام بصدر الاحباب سيره
تعبت افضفض لأقرب الناس همي
واشكيه منه واسئله واستشيره
سهيت فيه وصوت الهم بأسمي
ولبيتله دمع العيون الغزيره
البارحه مانشف الدمع كمي
ولاوقفت بيض المناديل سيره
ياصاحبي لو يدفن الوقت حلمي
تبقى الأماني في عيوني كبيره
اخذ من اثقال الصواديف وارمي
واقول عادي يمكن تكون خيره
ازم نفسي عن غثا الناس زمي
وارقابها روس الجبال العسيره
والجرح لو انه من البعد يدمي
رضيت به لو العواقب خطيره
احترت انا مابين حربه وسلمي
صرت الاسير اللي وفا مع اسيره

البارحه جابته الاشواق يمي
وفوحت له طيب القصيد وعبيره