مما راق لي
عطني من ايام السنـة يـوم واتـوب
قدامهـا ماظنـتـي فـيـه تـوبـه
ماعاد يطفي جمـرة البعـد مكتـوب
والقلب مـن فرقـاك شبـت شبوبـه
صبرت صبر أيوب .في حزن يعقوب
أبكيـك نوبـة وآتمـنـاك نـوبـة
وبخير دام الضحـك ينتابنـي نـوب
وكل مابغيت الرّجم وجّهـت صوبـه
قبل الغروب أبدي على راس مشذوب
لوعة نهاري تبتـدي مـع غروبـه
يرخي ظلام الليل فوق الثّرى ثـوب
ومكنون قلبي ينكشـف ستـر ثوبـه
واجر ونـاتٍ لهـا طعـم واسلـوب
فيها علـى كثـر المـرارة عذوبـة
واقول مافي طرد الامـال عـذروب
وانا أدري إني فيه بالقـى صعوبـة
لو شفت قلبي من خـلال التلسكـوب
دريت بانـك مرتكـب لـك عقوبـة
وان كان وصلك لي على بالك ذنوب
لاعـاد تغفـر مابقـى مـن ذنوبـه