مامات قلبي من الهجر
والعين مامَلت سهر
والصد من طبع البشر
فرقاك عندي ياحلاه !!
ياخاين العشره نسيت
حبك بعد ما انتا قسيت
مادام إنت اللي جنيت
القلب أعلن لك جفاه !!
لاتحسب إني برتجيك
القلب ماعاده يبيك
غيرك بلاقي لي شريك
يسعد فوادي في هواه !!
أحلف أنا فرقاك عيد
إبعد عن عيوني بعيد
دَور على مثلك بليد
يعدم فوادك فى الحياه !!
الحر مو مثلك يخون
أو يمنح العاشق غبون
الحر يالخاين حنون
مايطعن الخل في قفاه !!
أحمد أنا ربي واقول
عفتك أنا بكل الفصول
ماعاد لك عندي قبول
فرقاك عندي وشحلاه ؟!!