الهوى مركبك وعيوني شراع=لو يدور الوقت مثلك ما قهره
قلبك المجروح ما يقوى الصراع =بين فكرك والحقيقه مرمره
هو يطاع الشوق والا ما يطاع =اعترفلك والحقيقه مثمره
لعن ابوها حالتي فيها ضياع =لا عشيق(ن)ولا وليف نذخره
ماخذ الدنيا على مبدا المتاع =والقدر مكتوب ماني بحقره
المهم !ان السماء فيها صراع = الجدي مكسور يالله تجبره
قصتي فيها من اجروحك نزاع =لا تحاول يا وليفي تستره
ما بقاء لك ذكر في قلبي يذاع = كود رجال(ن)تولع في مره
لو عطاها الكون ما قالت مطاع = مذنبه والذنب ماله مغفره
استراح الشوق في ليل الوداع = ودعتني عند باب المقبره
والهوى مركبك وعيوني شراع = لو يدور الوقت مثلك ما قهره