علّمي وجه الزمن .. معنى الذهول ! لاحبستي .. صبعك إبفمّك | خجل دام روحك أرض و أنفاسك سيول ! من يلوم الورد .. لو فيك أحتفل ؟ الحكي : في مبسمك .. طفلٍ كسول ! نامت أمّه : يوم شاورها .. الملل تشرقين / يذوب من ضيّك ~ عذول ! تغربين .. يفزّ بعيوني / الكسل ! من برودك .. يشتعل جمر الفضول ! في إشتعالك .. ينجلي برد الزعل يـ| أبعد دروب اللقا و آقرب ميول ! يـ آول سنين العمر وآخر فصل لا تغيبي لييييل مضنونك .. عجول ! وش يهدّي الشوق لو عنّك سأل بي من الديم الندي .. حُب النزول للبشر / للرَمل الأسمر / للأثل ! شخص يبذر طيبته .. حبات فول بأرض جردا كل ما فيها انقتل ! عادت الأيام تفعل .. ماتقووول ! وعادتك يالريح \ تطفين الأمل ! أشعر إني والشعور أعظم / رسول ! . تاه إيدوّر في بلاد الله [ وصل ] ماإشتهيت أتبعك .. حشّمت الحمول مو مشان ألقاك .. من شاني رَجل أصعب من التضحية | غصّة خجول ضاع بين الصمتّ و قيود الأهل إيييه وينك .. مابقى للصبر زول ذبلت آمالي .. و غطّاها الرمل ! سهله أرحل .. خلفي الضيقه خيول صعبه أبقى مادرى بي كود ظل

أرجو ان تنال استحسانكم الكريم