سلام عليكم
كيفكم
وش حالكم ( على قولة اللي على بالي)
الفهد
حلوة زي مطر الصيف
ويقلون مطر الصيف ضيف
واكثر امطار تجئ ترى في الصيف
والصيف ترى عندنا في الديرة زمان ما هو فصل الصيف المعروف وانما وقت زراعة البر والشعير
كذلك الخريف ليس فصل الخريف وانما يسمون الذرة خريف ( هذا للمعلومية وممكن اكون غلطان )
على كل
يقلون اذا جات النصوب من الشرق ( وعادة في وقت الصيف المعروف عندنا) استبشر الناس بالخير وقالوا زمان طيب
وقال الشاعر
وان بدى ناوي القبلة فقل ناوي واخطا مخيلة
وان بدى ناوى المشرق فقل ناوي مخطاك ماه
وقال شاعر ثاني
ياسلامي عد ناوي تسري سيولة سوى تسري حناب
يسري الا بوجه الليل كم وادي تسري حنابة
يسري الغرس يسري يوم جات السيول مسرية
له نصوب في المشرق وله بارق لا مس رعيد
الله الله يالفهد
دمع
كيفك
يقلون رقاصة ما شالله
لا وحافية
وعلى روس الأقدام
الله يالدنيا
تذكرني بعرضة واحد على بالي
هذا الواحد
قصير
متين
متحزم ومحفش ثوبة ( محفش يحفش فهو محفوش = مرفع ثوبة الى الركبة)
عنده بندق مصنوعة عام 1856 م
حافي
اقدامة مشققة
سيقانة كأنها هرواى عتم
يعرض وبين الرجل والرجل متر
خبيط رجلة في الأرض يطلع الغبار من فوق راسة
كنت اقول في نفسي ذاك الأيام هذا اللي بيحرر القدس
الله الله يادمع والله يجبنك بالعافية
بنوتي
انا مدري وش هذا الطفرة الإقتصادية عندك الأيام هذه
وما شالله عليك
ديمقراطية في الى ابعد الحدود
خاصة للعجائز ( ترى ماقلت الوفا ) لا احد يقول اني قلته
والمنحرفين وووو
بس اشكرك على انك قولت صورتي روعة
بس فين شفتي صورتي
ان كان تقصدين حلم الوفا
فانتي ما تدرين بالمثل اللي عندنا يقول
اذا حلمت الاهي في دارك فاعرف انها في جارك
واذا حلمت الاهي في جارك فعرف انها في دارك ( اعرف انها معادلة من الدرجة الثانية و من الصعب انك تفهمينها بسهولة)
فهذه الصورة اللي شفتيها تعكس الوفا الله يسلمها
وحظك ترى طيب ما قد شفتي صورتي على الطبيعة
تصدقين ان يجئ في عقلك خلل ما وبعدها ما تميزين بين الجبن والتبن
طبعا من جمالي
ههههههههههههه
الوفا
هلا فيك
وش هالك نا اعمك
ترى ما قلت شئ
كل اللي فوق يخص دمع
المهاجر
الله لا يمسيك الا بالخير
الظاهر انك على اخر حياتك بتسير مجنون ليلى بس ليلى هذه من اوغندا ولا من تنزانيا
يعني بتروح بعدين مجنون ليلى التكرونية ( ولا الإليكترونية) هههههههه
يا اخي ربي يقول
(كأمثال اللؤؤ المكنون)
وتقول مدري كم بتمضي على حب الأسمر
يا اخي
يقول الشاعر
اذا غامرت في شرف مروم ........فلا تقنع بما دون النجوم
وعنتر الله يرحم السايرين
يقول
ولقد ذكرتك والرماح نواهل مني ....وبيض الهند تقطر من دمي
فوددت تقبيل السيوف لأنها ....... لمعت كبارق ثغرك المتبسم
وهذا عبد
يقول وجه عبلة مثل السيف لما يبرق
ولا الظاهر عندك الحرارة زايده
ويبغالها اسطح قاتمة لإمتصاصها
ترى نعذرك ان كان كذا
والباقين من الشباب والشابات لكم اشواقي الحارة والباردة نفرا نفرا
تحياتي
|