(( اذا كــــتـــبــت ابـــســـــط كــلاامي يــحــمــل احــــســاس الــجـــمــرر)))

يالله صباح الخير والدنيـا محطـات وسفـر

رغم التشاؤم في عيون الناس انـا متفائلـه

ماينكب الانسان غير الشرك واعمـال الكفـر

والا الذنوب الباقيـه تغفـر ولا انـي قايلـه

اهم شي اني صحيت وكن نومي مـن شهـر

امشي ولا ادري ليه و انا امشي كذا متمايله

غسلت وجهي وانعكس لي في مراياتي كسر

جيت اتحسسهـا بيـدّي والا انـا متثاقلـه

واقول في نفسي غريبه وش قسم سطح القمر

ماهو بذا تدوير وجهي والرمـوش المايلـه

ماهي بذي عيني ولاهـذي مراسيـم الخطـر

يحايل الاستغراب عقلي ون سهيـت احايلـه

اثري من التفكير عذبت المشاعـر بالسهـر

والضيق عامل بي من اهل المنتدي عمايلـه

مفروض مانمزح مع الاطفال واصحااب الجكر

لان الكلام الشين يجـرح كبريـااااء العاقلـه

للذوق ناس وللسماجه ناس والدنيـا عبـر

والوقت يكشف عن نفوس العالم المتحايلـه

وانا حشمت الفكر في نظمي وعزيت الشعـر

والمجد اشوفه في مناهج فكرتـي واخايلـه

مو شرط اجامل واكسب التقدير لعيون البشر

ولا يشرفني رومنـس الشعـر والمتغازلـه

إذاكتبت ابسط كلامي يحمل احساس الجمـر

واذا زعلت اخـوي لونـه يمـوت اتجاهلـه

طبعـي كـذا والحمـدلله والثنالـه والشكـر

رغم التشاؤم في عيون الناس انـا متفائلـه

منقووووووووووووووول

بقلم كبرياااااااااااااااااااااااااااااااااااااااااااااء

23/7/1427

الا لـيـت البـكـى بـيـرد غـالــي
لسـيـل واديٍ مــا ســال سـيـلـه