بدر(ن) تجلا في سما الكون وضاح
ما يحـــــجبه غــــــيم ويخـــفي ضــبابه
يا مرحــــــبا ما شعـــشع البرق ما لاح
واعداد ما هـــــل المــــــطر من سحــابه
اقــبل من بعـــيد(ن) ومــــنه الشذا فاح
لأنفـــــاس فاحـــــت قــــبل توصــل ركابه
من شـــافـته عــــيني غـــــدا القــــلب مرتاح
وروح(ن) تراقـــص ســــاع شـــرف جنابه
فـــيه الحـــــلا جـــيش من الزين ســـفاح
غــــــزا قــــلاع القــلب وأحـــــكم صوابه
ابو عيون(ن) ســــود والـوجه مصباح
نور ســــكن وجهـــه يعـــــــاند حجــــــابه
كم من قلوب (ن) صابها الطرف برماح
لا سلـــهمت يا ويلـــــــها من حــــــرابه
احجـــــاب مـــــايل كنـــه اقــــوس قزاح
وضــــــل مـــزج لــــــــونه براقي ثيـــــابه
الــــــــورد في خــــــده وبه لــــــــون تفاح
سـكــــر شـــفاة وسكـــر الخــــــــد يابه
الجــــــمر شـــال الثلـــج بالحـــضن ما سـاح
و الشـــــهد خـلـــــــفه واهــني مــن روابه
فــــــيه المعــــــالي شامــخ وين مـــــا راح
وفــــــيه التــواضــع سيــــمـــــة في شــــبابه
مقيــــــم في قـــــلبي ومـــــا كان ســـواح
باني القصــــــــور وحـــــل فـــــيه وشــرابه
في ضحــكته ذوق وفي حكــــــيه امـــزاح
يا صـــــرم حــــــالي لا ضحـــك يا عــــذابه
بقــلمـي....
اليوم الجمعة 22/3/1432هـــ