قصيدة عودة أبو متعب بالسلامة

عاد أبو متعب لشعبه بالسلامه
نحمد الله زال عنه الشر زالي
وعمّتْ الفرحهْ على نجد وتهامه
ومن جنوب المملكه حتّى الشمالي
وكل وجهْ اليوم تعلوه ابتسامه
بَعْد عوّدْ سيّدي في خير حالي
الزعيم اللي تناديه الزعامه
ما تبا غيره من اصناف الرّجالي
المليك اللي ليا جرّد حسامه
ما يهاب الموت في وقت النزالي
قايد الإصلاح عالي في مقامه
مشتمل زين الحلايا والخصالي
لا بدا في عِلْم ما تِرْقِلْ عظامه
يا الله إنَّكْ جنبه سود الليالي
دايمٍ يفرض على الناس احترامه
بالمحبّهْ والتواضع فالمقالي
لا عطا ما يوم عوّدْ في كلامه
يالله إنّكْ تحفظه يا ذا الجلالي
مرحبا عداد ما هلّتْ غمامه
وِعِدْ ما فالكون من ذرّة رمالي
وِعِدْ من حج الحرم واكمل صيامه
وِعِدْ من لِبْس العمامه والعقالي
يا سليل المجد يا راع الشهامه
يا عريب الأصل من أبٍ وخالي
عن جميع الشعب أهنّي بالسّلامه
يا ملكنا يا عسى ايّامكْ طوالي

الشاعرعمر اللحياني