طلبتك بالذي خلى عيونك لي مسار ودار...
أمانة لو خذاك الدرب يوم فسكة أحبابك...
توقف واشر بإيدك يجوز تسولف الأمطار...
عن حضورك وتتجمع غيوم الشوق باسبابك...
هنا مرت حكاية حب ونامت زهرة النوار...
على كف اللقا ياللي عجزت اطرق بها بابك...
وش تظن الليالي اللي مضت إلا تعب واسفار...
ما دام الطريق اللي خذاك فيوم ما جابك...
تعال انفض عن ايامي تعب م ادري بقايا غبار...
تعال وكحل عيون السنين بلفتة أهدابك...
تعال اتهجى في حضورك كلام ما انكتب فاشعار...
تعال امحيني واكتبني قصايد حب في كتابك...
تعال مسامح طعون الغياب وما أريد أعذار...
تخيل كل ما فيني سكنته وصار يحيى بك...