ياوجودي كـل مـا غنـت لخالـد ياعذابـي=وجد من شافوا بعينه دمعت(ن) تفضـح كنينـه
ظاعت ابياتي وقامت تلمـح ابعينـي مصابـي=ثم قالت يالمهاجر! وش معك؟ والدرب وينـه؟
قلت ضايع والمعاني لـو تـدون فـي كتابـي=ماتزيل الهم كانـه قـد شكـى قلبـي غبينـه
قالت اصمد واستمع لي : كم قصيدك قد شقابي!=مارحم همل عيوني واسكـب الدمعـه حزينـه
كل ما اسمع من قصيدك بيتٍ آفج الـه بابـي=ثم الاقي في بيوتـك غايـب يشكـي حنينـه!
تمزج انفاس القصيده بالحـزن وتقـول هابـي=من قصيدي وانت تعرف غايبك وشهو يدينـه!
قلت غني ياعذابي واتركي ضيـق سرابـي ,=بستمع لك واتركيني , بأنطرب لـك يارزينـه
ماتت احلامي وعيني تنظـر لضيـق غدابـي=وامتطي صهوة قصيدي ثم افضفـض للمدينـه
ذاك انا ياهيه شوفـي اشتكـي هـم سطابـي!=واشتكي بعض اللحون اللـي تذكرنـي سنينـه
ليت ذاك الليل لاضلم ماانجلى وجهه وشابي ,,!=والصباح اليا تهـادى طيـف يشبهنـي ببينـه
قالت آشوف المعانـي يامهاجـر فـي رتابـي=والمحك من جور وقتك ضايق زايـد ونينـه !
قلت ياشين المـوادع والزمـن سـر السبابـي=والبحر ماضاق يومٍ من ثقل هذي السفينـه ,,!