كيكة الجبنه حلوه مره و سهله ..

طفشت كل ما اسوي فطاير بالجبنه السايله تنفك في الفرن و تسيح الجبنه و يصير حرايق .. و اذا خلصت اجي افتح الكرسون و كذا و الا مافي جبنه كلها طلعت في الفرن

و انا احب طعم الجبنه السايله في الفطاير ..


قمت اش سويت .. سويت اختراع بس كويس .. و اهم شي الجبنه ما ساحت و لا طلعت ..

مالكم بالطويله ..

خذو المقادير و الطريقه :

كاسة مويه + ملعقه كبيره خميره + فنجال قهوه سكر ..

نضعها في وعاء و نخلطها بالمضرب اليدوي و نتركها شوي دقايق بس .

ثلاث ملاعق كبيره حليب بودره + نص كاسة زيت

نضيفها الى مزيج المويه و الخميره و السكر و نحركها حتى تتجانس .

ثم نتركها دقايق و نضيف عليها كاسه وحده دقيق فاخر و نحركها بالمضرب كويس . ثم نضيف كاسه ثانيه دقيق و نص كاسه و نعجن بايدنا و اذا احتجتي زياده دقيق اضيفي و اعجني حتى تنعجن جيدا و تصير ما تلصق باطراف الوعاء .

ثم اتركيها تخمر ساعه الا ربع .

بعدها خذي صينية بايركس و ادهنيها كلها .

خذي قطعه من العجينه و افرديها حسب حجم الصينيه ثم ضعيها في الصينيه , و ادهنيها بجبنه سايله

ثم خذي قطعه ثانيه من العجين و افرديها و ضعيها على الطبقه الاولى و ادهنيها بالجبنه .

و هكذا حتى تنتهي كمية العجين . بس اخر وحده لا تدهنيها بجبنه لكن ببيض او بدون مو لازم و رشي سمسم .

و دخليها الفرن يكون حامي . بتنفش و تطلع جنان

و اذا استوت طلعيها و قطعيها و بالعافيه على قلوبكم .