آخر ماجادت به القريحه
آتمنى ينال إعجابكم
..

يمر الوقت وصوت الثواني تك
.... ومع كل تكه تطري لي أبتســــــاماتك
--
أتخيّل إني بحضنك يالغلا غافي
.... وباقي على شفتي من سكــــــرّ شفاتك
--
أغليك واحن لأوقاتي وانا ويـاك
.... ياحـــــــــلو لقياك لي وياشين غيبـاتك
--
من دونك الوقت ياطوله وياثقله
.... ماحس بالوقت إلا معك وحيــــــــــاتك
--
كل شي فيني يغازل كل شيٍ فيك
.... حتـــــــى إن نبضاتي تتغزل بنبضاتــك
--
تدرين من صار حبك أكبر همومي
.... وأنا اتمنى أكون أجمل طموحـــــــــاتك
--
أسهر مع الهاجس اللي جمّع طيوفك
.... وأصحى على حلم شوفتك وملاقـــــاتك
--
يا أرق وأعذب من نسيم الصبح وهبوبه
.... يا أطعم من التوت ياحكيك ياضحكـــاتك
--
الوقت من دون حسك مالــــه أي قيمه
.... مجرد أصوات تك تك تك تك تك تك تك

..
..

05/03/1432هـ