من عذر لاجيت كلي ولـي عـذرٍ سميـن
صاحبي وشلون ماجـي و دربـكـ،’ دلّنـي .؟
دام لكـ،’ في داخل القلـب نبضآت و حنيـن
والمشاعـر كلهـا لـكـ،’ و جـتـكـ،’ اتّلّـنـي
لاتخاف ان شفـت الايـام عيّـت لا تزيـن
دامنـي ويـاكـ،’ لظـروف وقتـكـ،’ خلّـنـي
خلني .. يامخاوي القلب لظـروف السنيـن
سيف يدكـ،’ لاقسـى الوقـت قدمـكـ،’ سلّنـي
صاحبي .. ماخفت انا الدرب لو دربي يشين
من عرفـت العلـم .. لاذل و لاحـدٍ ذلّنـي
عزتي هـي تـاج راسـي وبالله مستعيـن
وكلمتـي لـلاه دايـم عـسـاي و علّـنـي
وعزتكـ،’ لاصرت انا معكـ،’ مرفوع الجبيـن
ماتوطّـى لـو زمانـي ظـلـم و احتلّـنـي
اعجبكـ،’ .. لاعاند الوقـت وعيـّا لا يليـن
مـا امـلّ اعنـاد وقتـي قبـل لا يملّنـي
اعجبكـ،’ .. وابيكـ،’ مثلـي ليا جيتـكـ،’ حزيـن
بمشكلـه معارْضـه جيـت ابيـكـ،’ تحلّنـي
لاتقصـر مـع حبيـبٍ يحبـكـ،’ مرتـيـن
مـرةٍ بلّـكـ،’ الحـب .. ومــره بلّـنـي
شوف حبكـ،’ كنت انـا ويـن ودانـي لويـن
كنت انا باخـذكـ،’ كلـكـ،’ .. واخذنـي كلّنـي
|