الاوله بسم الله أبدا وبسمه يشرح الفال = قادر على نزع الهموم الثقيله
وأطلبه يبدل الحال من حال لحال= ويشرح الخاطر ويثبتني في المقوله
والثانيه أناصريح وماحب القيل والقال=والي في خاطري غصب(ن) علي بقوله
ياكثر ماشفت من تصاريف الاقوال= وياكثر مايختلف المرء في مقوله
والثالثه شفت الذي مايخطر على البال=أمر غريب وأذهلتني علومه
أمر عجيب تعجز عن حمله جبال= ويشيب الطفل وهو باقي في الطفوله
الصاحب الي كان لك عن ألف رجال=اليوم يهجرك ويختلف في مقوله
ينسى العهد ويتبدل مع تغير الاحوال=وينكرك وينسى معاني الرجوله
والرابعه أشكي من حبيب جابلي لهبال=ومدري وش الي يدور بخفوقه
أحبه وأفديه بروحي ومكانته في العال=وما أريد منه إلا الوفاء والشفوقه
أشغلتبه فكري في الحل والترحال=وحبه وسط قلبي يجري وينبظ خفوقه
والخامسه حظ ردي ومنه الدموع تنسال= دايم وهو ضدي ومايوقف في عدوله
وقبل النهايه صلوا على سيد الانبال= والمعذره في في القصور والمطوله