أكتشفت وللاسف مالي صديق

وكنت أنا أول أحسب(ن)لي أصدقا

أختياري للاسف ماهو دقيق
أشهد اني ماتخيرت أرفقا

يوم تاهت خطوتي وسط الطريق
مالقيت اللي على حاله بقا

أتحمل لاجلهم مالا أطيق
محتسيهم للزمان وللشقا

ويوم بانت حاجتي راحو طقيق
وهجرو حتى مجيي واللقا

وانت ياللي من سباتك ماتفيق
لايغرك فالرخا بعض النقا

ولايغرك كل شي(ن) له بريق
ولاتزاين كل شي(ن) يبرقا

الجناب الزين والهرج الرقيق
لابغيته ساعة الظيق أتقا

ولاتصدق من يقول انه صديق
مايهمه لو على متنك رقا

لو تظاهر بالوفا كنه شقيق
مايسر اللي هقابه لو هقا

لو تطيح يقول جعله في حريق
دام راسي سلم ماحنا أرفقا

صاحبك لاظقت كانه مايظيق
لاتسميها صداقه وأصدقا

وكل طيب راس خله لك رفيق
مايبيعك لو لقابك مالقا

أحفظه برفع مكان(ن) به يليق
ولاتعرضه الحماقه وحمقا