يعطيك العافيه سيد الموقف واشكرك على طرح هذا الموضوع اللي صراحه شجعنا
بصراحه بطرح موضوع عن اختلاف وقت اجدادنا وتقاليدهم الذي عاشوا فيه على سبيل المثال ( المداقيل بأنواعها - لبسهم وحزمتهم وعاداتهم وتقاليدهم بشكل عام)
وعن وقتنا الحالي وكيف ضاعت التقاليد التي ورثناها عن اجدادنا وايه ماغركم بالعلم كله وكيف حن عايشين اللحين.
( مثل الحفلات والزواجات الايام هذي - ولبسنا طيحني وبابا سامحني وكثير وعن الجار والرفيق معاد احد يهتم باحد والفزعه للمحتاج وكثير وانتم عارفين)
ببدأ بـ 5ابيات وانشاء الله نطلع بقصيده متكامله عن هذا الموضوع
الله على وقتٍ مضى وقت لجداد
وقت الحميه والرجال الوفيه
وقتٍ مضى مافيه مالٍ ولازاد
وقتٍ يعرف الرجل منهو خويه
وقتٍ به البدوان رحل وشداد
يازين ذاك الوقت وقت الحميه
وقتٍ به العربان تعرف بلجواد
تكرم ضيوفٍ باللقاء والقفيه
وأن سيروا على الجار دله وبراد
وقلوبهم بيضاء ولاهي رديه