من الأرشيف الفصل
صرت اشوف الفصل ميدان القصايد
والكتاب بواديٍ وانا بوادي
اكتب القيفان وادوّر فوايد
واحسب ان كل امر عادي غير عادي
شاعر عندي سلاح الشعر بايد
ما يتهاون في خطيات المعادي
في علوم المعرفة قدوة وقايد
يوم بعض الناس قدوة لإنتقادي
افتل الحكمة واصيغ احلى فرايد
ماتسمع هرج ناسٍ في الروادي
والبحر عندي ليا ما هاج بايد
والبحر مايومن لاعاد هادي
من طبايعنا ومضمون العوايد
غمرنا في راس ريع الطيب بادي
|