بيانات اضافيه [ + ]

رقم العضوية : 17930  تاريخ التسجيل :  Oct 2009  أخر زيارة : 03-12-2012 (07:52 PM)  المشاركات : 1,494 [ + ]  التقييم :  7

لوني المفضل : Cadetblue

يسعد صباحك

يسعد صباحك .. ليلنا تو ماجا

الشمس غابت واشرقت عندكم ... شمس
هى شمسنا اللي في جبينك تلاجا
والا قمرنا اللي فقدناه من امس
لليل السما برد وسحاب وعجاجا
يامن يشب النور .. في الخاطر العمس
انتى وانا لو كنا نتناجــا
لاماطفت في خاطري .. شمعه الهمس
يالى جرحتك ... مالجرحي علاجا
ادري الجروح النازفه تكره .. اللمس
بقول احبك .. وان عقدتى الحجاجا
!!اقولها ثنتين واربع مع خمس ..؟
ويسعد صباحك يابعد كل ماجا
ماراح من عمري .. وانا في رجا الشمس






حسايف
التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... عمرها ماجت على وقت الوعد ..
إلا ذاك اليوم ..
وعمرها .. مابكت .. وماضحكت ..
ماحكت له .. واسكتت
مثل ذاك اليوم ..
كانت اجمل من خياله .. كانت انظر ..
كانت اكثر .. من أماني عمره الظامي حنين ..
واختفت .. من كساها الليل باللون الحزين ..
اختفت في الطريق اللي معه..
كانت تجيه ..
كيف دربٍ جمعه معها .. خذاه..
ليتها اختارت سواه..
تزرع الفرقا لياليها .. عليه ..
وحسايف ... حسايف

القلب الأول

كل مادعاني الشوق للقلب الأول
القى مكان القلب في الصدر تنهيد
وطيوف ذكري في الحنايا تجول
تجمع صور وأوراق من باقي العيد
مدري سبقني الوقت والاتحول
أخلف ربيعي وادهرن المواعيد
أو هو الصبا .. نجمٍ رقى ثم حول
غاب وسما وجهي مشيب وتجاعيد
أحبابنا ليت الذي راح طول
وليت الذي باقي لما فات تجديد
انتم مثل قلبٍ عرفته امنول
وأصبح مكان القلب في الصدر تنهيد


القلوب أصحاب


البارحة والقلوب أصحـاب
كنت القمر وأنت تمدحني


كذاب هذا المـدح كـذاب


وكـذّاب ذنب يجـرحني


انسـان..ماني نجم وشـهاب


ليتك مـلاكٍ وتصلحـني


لي صرت عـاري..علي ثياب


بالله وشـلون تفضحـني


اخطيت واخطيت كافي عتاب


إنطـق بحكمي وريحـني


ياصـاحبي ماقطعت أرقـاب


عـدلٍ قصـاصي وتذبحني


ولاني بعد أجمل الاصـحاب


الاجمـل انـك تسـامحني

القاع..والمسافه

أنا احبك ..مابها زيف وخداع
رغم الذي نخفيه ..واللي نخافه
اودعك..لو الألم لحظه وداع
الى مضت..ننسي الألم والحسافه
وافارقك..لو السفر ..يم وشراع
وبعد الفراق .. اللي نوده نعافه
لاصار مافي البعد راحه لملتاع
با الله وش نفع العتب والكلافه
من الجفا والصد .. يكفيني اذراع
لاجف نهر الحب ماتت اضفافه
أملي يدك رمل وترى هاذي القاع
ومدي النظر .. تدرين وش هي المسافه

وربي كان انا ظني تجوني قبل انـــــــــــاديكم