ميتم الروح

راح الفرح من القلب والحزن والهم
لكن حبك يالغضي ما يروحي

الظاهر انه في عروقي مع الدم
وانه سبب تدمير حالي وروحي

ابغى اوصفك لكن ما ابغى اتلهم
والى مدحتك فانت فوق المدوحي

يازين ذيك العين والخشم والفم
والخد والا اقول باقي الطروحي

من بعد فرقا شوفتك صرت مهتم
واشوف جرحك وانت شايف جروحي

ياكم عشنا في حياة الغلا كم
يم كنت عندي في قوائم طموحي

عز الله ان الحب من شوفتك تم
اقولها لك صدق والا مزوحي

كلمة نعم تغنيك عن لن ولا لم
اي والله احبك وتدري وتوحي

يامن ملك قلبي وروحي ومن لم
شمس الغلا في ظل وقت الصبوحي

خليتني ياميتم الروح في اليم
وانا على شانك عذلت النصوحي

واليوم انا اشرب من قراح الهوى سم
حتى شجوني من فراقك تنوحي

لكن سلم لي على الروح واسلم
ياراعي الوجه البشوش السموحي