الجرب والهيم

يا راعي النمات يامورد الحيم
مثلك على الميراد قبل ودلا

ذودك على ماشفت مالجرب والهيم
ماهيب من الذود المزايين كلا

ولا لها في ساحة العز تقييم
وان جات يبطي مثلها ما يفلا

وانا ليا شفت الفضاء فيه تعتيم
احاول ابعد عالمتاهات والا

اضرب على حدب الضلوع المقاسيم
وابعد عن اللي لاقدمت ايتولا

وامشي مع راعي السمان المواليم
اللي ليا ما جيت رحب وهلا

ماحب غيبات البشر والتشاتيم
ولا اتكبر توهم واتغلا

من عادتي كسب العلوم المراسيم
والطيبة في ذمتي ماتخلا

ولا عليه من الفعول المجاهيم
تلقا لها ناس ضعوف تسلا

لاحان وقت فيه وقفه وتقديم
مقدامهم من صف الأبطال جلا

وختامها مني سلام وتسليم
للي من اعلوم الوفا ماتخلا