الله يا حامي البيتين والمله
يا خالق الخلق علام بخافيها
انت الذي لا دَعَتْك النفْس منذلّه
عـطـيتهـا مـا تمنـّى وانـت والـيهـا
أنت العطا تعطي الانسان وتدله
وتنهي مقادير عمره في أراضيها
وانت اتْهَدي العبد يا مولاي وتضله
والناس ما بين غاليها وجافيها
ياربنا تحفظ التوحيد والقبله
من الضلاله وتقتل من يعاديها
بأسم الفقيهي وبأسم شيوع حزب الله
اسم الخراب الذي جتنا بلاويها
تخطيطهم حقد في السبه وفي الزله
ويطلع مباشر على التلفاز حاكيها
تخطيطهم قسمة التركه على الضله
والنفط يصبح تجاره في موانيها
يامحاكي الضل بعت الدين بالفله
اديارك اللي مع التكفير داعيها
بعت الديانه وصرت بعالمك مُله
وأفكار شارون صرت اليوم شاريها
وينك عن القدس خله الفكر لك خله
أسألك عن سنة الله ليش ناسيها
ياقاتل الأبريا الفرض لك صله
أملوكنا تعفي ارقابٍ تعاديها
مقصود فكرك تبي تلبس ولك حله
والا رصيدك يصير الكنق ناويها
تبي تصير السيادة وطلتك طله
وانت الدني يا خسيس الفكر طاغيها
غيرت فكر الفقير وحملتك حمله
وحملت نفسك بوزن ما يواسيها
أحزابك اللي على التخريب منحلّه
صارت وماتت بحكم الرب قاضيها
أرهاب ضد الحكومه جاتك العله
وملوكنا تخدم البيتين آياديها
دار السعودي وبأسم الكنق عبدالله
دارٍ حماها الله من التفكيك بانيها
شلة فساد ألا يا شينها شله
حاربت دارنا والله حاميها
دار السعود اللي الاسلام دار له
اللي على الحق والايمان بانيها
|