البارحه ليلي كوابيس واحزان
ضيقي فراش وهم قلبي مخده
أصبر وأقول الصبح والصبح مابان
وابكي على وقتٍ مضى قبل مده
يوم ان قومي عزها الله بالايمان
عهد الحسين وعهد عمه وجده
وقتِ مضى للمجد راية وعنوان
مجـدٍ بيدينا اليوم قمنـــــا نهده
ألدّ صوب القدس وتفيض الاشجان
واذكر زمان آبو عبيده وجنده
واذكر صلاح الدين مع جيش رومان
يومٍ به القدّيس ملطوم خده
يالله تعز الدين واهله ولاهان
حنا رجاله في رخاها وشده
حنا العرب لثارة الحرب بركان
القلب واحد كلمة النصر وحده
حنا جنود الحق في كُل الازمان
وحنا الوفاء لاصار بالوقت عده
في وقتنا هذا ترى القدس ينهان
هذا سلام وقادة الكفر ضده !!
وين الترابط والمحبه والاحسان
ياقادة الاسلام وين الموده ؟؟
يوم ان كلٍ له عبادات واديان
دستورنا الايمان مافيه نده
نهج النبي الهاشمي نسل عدنان
سيف على روس النصارى نحده
الكنقرس سيطر على كل برهان
وأحنا نمده بالوقود ونشده
ترى العراق وسوريا وأرض لبنان
مستوطنه مثل الأصابع بيده
|