لجلك نسوق الموت والعمر فاني

لاتزعـلـك دنـيـا رديَـــه وانـــا اخـــوك
كـــب المـشـاكـل كـلـهــا لاتـعـانــي

لك صاحبٍ ياطا على شانـك الشـوك
ماشـال هـم النـاس قاصـي ودانــي

ماني من اللي لاقسى الوقت خلوك
ومانـي مـن اللـي فعلهـم بالسـانـي

وماني من اللي لرتفـع سعـر باعـوك
انـت العزيـز اللـي سكـن فالمحـانـي

يامكـثـر الـلـي فــي غيـابـك تمـنـوك
مـحـدٍ قــدر يوصـلـك حـتـى ثـوانــي

نـاسٍ تخـطـط كنـهـا تـسـرق ابـنـوك
والعلـم ياتـي مــن فـلانـي وفـلانـي

ونــاسٍ مـثـل جـهـال تاتـيـك بالـبـوك
كـل مارفعـت السعـر جـاب المعانـي

واحـدٍ علـى درب النساويـن ممـلـوك
ضـايـع مـعـا ســاره ويمـكـن تهـانـي

اكثرهـم اللـي لظلـم اللـيـل عـافـوك
وياقـل مـن فيـهـم عـريـب المجـانـي

انـــا ادري ان الـنــاس بـالـهـرج أذوك
واللـي حـكـا بظهـورنـا شــي ثـانـي

لـو العـرب ردت علـى كــل صعـلـوك
ضاعـت علـوم النـاس تــال الزمـانـي

معـزتـك فالقـلـب ماحولـهـا شـكـوك
والشعر فـي وصـف المعـزه عصانـي

حطني على يمنـاك لاصـرت مربـوك
تــرى مـكـانـك ياصحـيـبـي مـكـانـي

حتـى ولــو للمقـبـره رحــت مـبـروك
لجلـك نسوق الموت والعمر فاني

....