أبقتل حبك الليله .. قبل ما الحب يقتلني=وابشنق هالوفاء واهدم .. صروح الود وحصونه
وسكّرْ صفحةٍ سوداء .ملاها الوقت من حزني=خلاص العاشق مفارق .. وماله داعي اتخونه
تصدق كنت أنا احيابك .. كلامك كان يعجبني=هواك العاشق وصانك .. وحطّك داخل عيونه
أثارك كنت تتسلى ..وكل همكّ تعذبني=وتلعب بالخفوق .. اللي غلاك .. وتتعب اشجونه
كبيرة منك توهمني .. بحبك لي وتخدعني=وكل اللي اشوفه منك .. غيمة صيف مشحونه
حسافه والندم كله .. ألم ماعاد ينفعني=شسوي بالندم وانته .. خدعت القلب وظنونه
بقت كل الصور.. بيني وبينك حلم يرعبني=وافضّل لو تكون اليوم .. ذكرى الحب مدفونه
بنيت بعالمي واقع .. لبعدي عنك يدفعني=بعد ماصارت العِشرة .. علاقة حب مجنونه
تصور.. بعد ماكنت الطريق اللي يلملمني=غديت السّكّه اللي دوم .. بالأشباح مسكونه
حبيبي ضاقت الدنيا .. بعيني منك صدقني=أنا بنهي محبتنا .. واحرر روح مسجونه