قال ابن منصور قولٍ ما يدخل به نـزاع
مصدره من باشتاً ساكناً بيـن الضلـوع
يدرس الاحـداث بالتجربـه والاطـلاع
ويتخير تمرة الطير من فـوق الفـروع
كثروا اصحابي وربعي وكبر الاجتمـاع
في ضميرٍ ما دخل فيه شيطـانٍ منـوع
وصرت أراعيهم بحب وكرامه وأقتنـاع
ادمح الزله ولو شفتها عمـى الصنـوع
استر المخطي وأذريه بأطراف الشراع
وأنصح اللي ما وقع ينتبه قبل الوقـوع
وأبذل المعرف فيهم بقـدر المستطـاع
وأتبعه بالصمت وأنساه لو أضمى وجوع
والنتيجه شي أثمر بطيب وشـي ضـاع
وأكتشفت المخلص من المنافق والخدوع
أشكروني مانكروني طويليـن الـذراع
وأنكروني ماشكروني خبيثيـن الطبـوع
مير توبه ثـم توبـه وقلعـه وإنقطـاع
عن ردييـن النوايـا قصيريـن البتـوع
يامضيعت الجمايل مـن اليـوم الـوداع
الوداع بـلا تحيـه ولا بعـده رجـوع
انا ربعي كل حرٍ عريب أصل وشجـاع
ماني في حاجة منافق ولا خبلٍ خمـوع
طال راسي مع أهل العز والدنيا متـاع
والهبيل اللي يحط الشهر مثل السبـوع
فرق ما بين الحقيقـه وبيـن الاختـراع
الحقيقه شمس تجتاح الانجم والشمـوع
قلتهـا علـى سبيـل الهـدى والاتبـاع
يستفيد إبها العصامي وينفيها الخضـوع
حللوها وسمعوهـا بحسـن الاستمـاع
والكمال المطلق المن له: ألامـة ركـوع