لاتلومــــــــــــين الغريق إليا تشبث في غريقـــة
دام ضـاع الحــب قولي وش جنينا من حطـــامه
كل ماجيت أرسم الفرحــة وابي البسمة طليقــــه
يعترينــي الحــزن يابنت الحمولة والشهــــــــامه
والصـــبر يابنت والله أشعل ابقلبي حريـــــــقـــــه
وش يطــفي شوق قلبــي لا تزايد في هيـــــــامـه
أدري أن الصــــــبر مر وقلب عاشق مايطيقـــــه
آه ياحلــم الأمـاني ليه ضيعتــــــي مقــــــــــــامــه
أيه لي فـ ( الصمت ) فرصه تلـثم القلب وتعيقه
دوك صمــــتي كان يجرح ورفعي عنه لـثامـــــه
استبيحي صمت عاشق ورسمي الهم ابطريقـــــه
صدقي ماعاد تفرق ماعلــى الدنيـــــــــا ملامـــــه
اعزفي لحـن ٍ يناجــي من مشاعرك الرقيقـــــــــــه
صافحـي كل الأماني ومسحي درب النـــــدامــــه
خلي الأحــــزان للي من همومه جــف ريقــــــــــه
كل ماشــع بحيــاته نور يكسيهــــــــا ظلامــــــــه
خطت أقـــلام المواجــع في ثلاثينـــــــــي وثيقــــــــه
وانكــتب أني حـــزين الوقت لايــوم القيامـــــــــــه
لاتلومين الغريق إليا تشبث فـــــي غريقــــــــــــــــه
دام ضــــــــاع الحب قولي وش جنينا من حطـامه