يانجمة الصبح لاتغيبين طوّالي
توك بديتي من المشرق وانا شايف

وانا انتظر لك ثلاث ايام وليالي
والقلب من كثر صكات الزمن خايف

والجور بيّن علاماته على حالي
وانا زعومي براس المرقب النايف

الد نظري واناظر في السماء العالي
ولا اتسمع كلام العالم الزايف

شاعر ليا ماوزت جرّيت موالي
من راس رجم الهوى لاذعذع الطايف

والعلم ياصل على موجات الارسالي
للي يود الخبر والمنطق الكايف

وختامها الله يبيض وجه جوالي
اللي تولى مهام السارح الضايف