((انا يتيمة))
اليتيم اللي فقد امه وابوه=من يّأمن عيشته ومستقبله
الصغير إن ماتو اهله وتركوه=في زحام الكون تاهت أرجله
راحو اللي بالمحبه غرقوه=أم كله عطف وأب يدلـ لـه
وبعد ماهم بالسعاده رفهوه=ضاع في دنياه وكلن أهمله
لا عمام ولا خوال استقبلوه=صد عنه كل من له به صله
لو ورث مالٍ عن أهله ماهملوه=ولا تشرد عقب ماماتو هله
لأجل فقره بكل قسوه عاملوه=بوجه كل من جا لبابه إقفله
جالهم عطشان يلهث وطردوه=طالبٍ ياكل ولا احدٍ أكله
حافي الرجلين يبكي مارحموه=خاطره مكسور يمشي بمهله
ياهل المعروف تكفون انقذوه=وساعدوه بحل اصعب مشكله
العطف يجتاحكم لو تنظروه=به براءه من نظرها تقتله
وعن حنان اللي فقدهم عوضوه=عل يعزى من يديهم تنقله
يرحم الله ارواح منهم خلفوه=فعلهم في طفلهم من يفعله
هبّا ياهل البرّ والجود اطعموه=شوفو قل الزاد ياكيف إنحلّه
على راسه امسحو عطف وعطوه=يكفي له تقديم لو رطب نخله
به حديثٍ عن رسول الله رووه=الصحابه عن من الله فضلّه

.14.