عيونك آخر آمالي .. وليلي أطول من اليـم=وكيف القى كلامٍ عذب .. يوصف دافي احساسـي
عشقتك قبل ما اشوفك .. وشفتك صرت كلي حلم=ابي رمشك يغطيني .. وابيك أقرب من أنفاسي
يهمك تعرفي انك .. قتلتي في سنيني الهــم=قتلني ضحكك وجدك .. قتلني لينك القاسي
رميت أقداري بدربك .. وصرتي في عروقي دم=أحبك كثر ما سالت .. دموعي وما نسى ناسي
يجول الحزن بضلوعي .. بردت وذاب فيني العظم=كثير من الحطب حولي . وعندك انكسر فاسي
سألتك بالذي زانك .. تحبّي فيني حتى الظلم=تحبي عيوبي وغدري .. تحبّي المـر في كاسي
أنا من كثر ما أحبك .. أبيك بكثر رمل اليم=وابيك تكوني فوق الناس .. وابي ما ينحني راسي