السلام عليكم ورحمة الله
هذي مجموعة من الابيات كتبتها على فترات متفرقة
حبيت اجمعها في هالموضوع وتشاركوني فيها
وان شاء الله تنال اعجابكم



1

القلب يسأل حبيبك وين يامحمد
..... وأقول ياقلبي الغايب معه عذره
إن صد عني ترى ماصد متعمّــد
.... وأكيد ماغبت عن باله وعن فكره

**

2


الـ آه تجرح فؤادي مع كل زفره
.... تعبت ماعاد بي حيل حتى للأنفاس
أرجوك ياقلب لاتعتب ولا تشره
....وخلك قوي إيمـــان لايدخلك يـــاس

**


3

للصبر حد وكل شيء له حـــــدود
.... إلا انت حبك في فؤادي بلا حــــــــــد
أسأل عيوني عنك لاصرت موجود
.... وأسمع لنبضاتي وهي تقول أنا اشهد

**


4

البارحة شفتك بالأحلام نايم
... قمت أنتبهت وقلت يازينها حلوم
ياليتك تجيني بالحلام دايم
... كانت حياتي كلها يالغلا نوم

**

5

يالله يارب المخاليق يالله
... ياواحدن كل الخلايق عبيده
فرّج همومٍ داخل القلب تصلاه
... لها سنينٍ في فؤادي وقيده
وأغفر لعبدك من ذنوبه وخطاياه
... وأجعل حياتي يا إلهي سعيده

**

6

ياورد وشهي قيمتك كان ماسقيك
... تذبل ترى لو مالقيت اللي يرعاك
خلك وفي دام أن لي قلب شاريك
... وأبشر بقلبٍ مايجي يوم ينساك

**

7

الجو والأيام تحلى معاكـــــي
... وأنا تراني فيك أموت حبــــــــــُا
لأنك منى قلبي ولأنك ملاكي
... والجو قربك أحلى من جو أوروبا

..

أكتفي بهذا القدر
والقادم أجمل إن شاء الله