عندما كانت الجيـوش العربيــه في سوريــــــا..

يقال ان جندي سعودي من القوات السعوديه بسوريا

ذهب لقرية سوريه تسمى كناكر لتفصيل بدله والخياط

في تلك القرية فتاه.وعندما بدأت التفصيل لم يعجبه تفصيلها.

فطلب منها ان تسمح له بخياطة بدلته بنفسه

فاذنت له فبينما هو يخيط البدله دخل عليهم احدالجنود الكوتيين

يقال انه من قبيلة(....)فقال الابيات التاليه

ولم يذكـر اسمـــه :

يابنت ياللي في( كناكر) تخيطيـن جندي سعـودي بالخياطـات فنـا

تريحـي يابنـت جولـك بديليـن رجالهـم فـي شغلكـم ماتـونـا

اذااشتغل يابنت وانتـي تشوفيـن وان دقت الابره مع السلـك غنـا

على الخياطه ياخذ الصنف عشرين ومن القماش يخيـط باليـوم طنـا

رجالهـم يابـت يعـرف بثنتيـن الكحل في عينـه وبالكـف حنـا

على حسب قوله طلعتوا غشيميـن اخذ زمام الفوز مـن غيـر منـا

*****


ورداحدالشعراءالسعوديين واسمه(سعيد بن سفرالعجمي) بالابيات التاليـــــه:

جاني جوابا به من الشعر بيتيـن قولوا لراعى الخط خطه وصلنـا

مـن الكويتييـن يحمـل عناويـن وراعيه من خوفه خفا الاسم عنـا

لكن لك الله لابدل الخـط خطيـن والحمـد لله جـت علـى ماتمنـا

واوضح اسمي واطبق القاف قافين واللـي تحدانـا تـرا ماشطـنـا

انا من اللـي ان تعلـوا شياطيـن بظهورها شجعـان ابطـال حنـا

من الذي وسط المجالس سلاطيـنربعي هل الطالات زبـن المجنـا

جندي سعودي جيت من منبع الدين نحمي عروبتنـا ونحمـي وطنـا

جيش السعودي بالمعارك شجيعين وبدالنـا بالمعركـه هـي كفـنـا

يابنت لهروجه حذارك تصاغيـن هذي خبول الناس جـت تمتحنـا

عرضت ساقك للكسر يامسيكيـن خبـلا رمـاه الله واجلـه تـدنـا

نسيت صنعتكـم وفيهـا فهيميـن معروفة صنعتك من غيـر ضنـا

فزتوا علينا صنفكم صار خمسيـن بديلـه (المرقب)عليـهـا تثـنـا

يابنـت كـانـك(...) تريـديـن جندي كويتي سمسري لـك يعنـا

يشاركك بالمصلحـه لـو تعيبيـن ويفرح اذا يسمع جرسكـم يرنـا

ويساعدك كان الزبايـن كثيريـن بطران واحلى اخبار عنه نشرنـا

والمعذره ياللي كرامـا وغاليـن صار الخطى منكم ولاصار منـا

سليم باي
طير هذا سواسوا دجاز وين؟؟؟