انا اعرف اللي يـداوي القلـب وفتوقـه = فـرقـا المديـنـه وبـعـدٍ عــن خلايـقـهـا
يالايـمـي لــو تــروح الـبــر وتـذوقــه = اظـن رجلـي علـى الصمـان تسبقـهـا
احب انا العشب وريح الورد ونشوقـه = ومشاهـد الشمـس مغربهـا ومشرقـهـا
الله على القـاع بيـن العشـب مشقوقـه = تلقى الزبيدي علـى البطحـاء وتنتقهـا
يالله بـغـيـمٍ تـقــادح لـمـعـت بــروقــه = ريــح الشـمـالـي يـهــب ولايفـرقـهـا
وقـت الوسـم مستمـرٍ بامـرك تسـوقـه = يهـل مـزنـه عـلـى الريـضـان يدفقـهـا
تمشي سيولـه مـع الشعبـان وعروقـه = يمـلا الخبـاري مـع الـغـدران يغرقـهـا
الـبـدو والـلـي يـعــد الـبــر معـشـوقـه = مـا يصبـر وطلـعـت الـبـرّان يعشقـهـا
يفرح مع العشب يطفي بشوفته شوقـه = يـنـس هـمـومٍ تـهـاوت فــي دقايـقـهـا