المشاركة الأصلية كتبت بواسطة ابو ريان

اذكر وقت قال أبويه الله يحفظه يالله بكره اوديك المدرسة بكره وكنت مشتاق بقوة ..
وأخوي اللي اكبر مني سجل قبلي بيوم وقال أبويه بتكون معاه وانا ما تسعني الفرحة وقتها ..
وفعلاً رحت اليوم الثاني مع أخوي وأبوي موديني وسجلني وقابلني مدرس أظنه فلسطيني ومعه كوره سلة
شكله يبغى يمزح معي ( فاصفق بها راسي ) قسم إن حسيت المدرسة تلف
وبعدها قال أبويه أدخل مع اخوك قلت لا بكره !!
المهم واصلت ومشت الأمور بس مع الوقت ومع قوة الدروس وكذا كنت أدعي بالليل تنهدم المدرسة ومن شدة
تمسكي بتحقيق ذلك أول ما أناظر وقت أصحى للمدرسة لأنها قريبة من البيت وأقول ممكن انهدمت فعلاً كثر ما دعيت
ولكن الحمد لله زانت الأمور اكثر وأكثر وأمضينا بالدراسة 16 سنة كاملة ومن ثم عدنا لها من باب آخر ..
تقديري ..