اضحك ولاتبكى على ماضيـن فـات
-------- مـــاراح خـلــه لايـهـمـك مــراحــه

لاتلـتـفـت خـــل الـنـهـايـه بــدايــات
-------- مـد الخطـاوى والجـروح استراحـه

لاتجـزع ان ورتـك الايـام صـدمـات
-------- تـقـبـل الـواقــع بـصـبـر وسـمـاحـه

ياقلب وش يعنى تخـون الصداقـات
-------- دامك وفـي والغـدر هـاذى ارماحـه

عـمـر المـبـادى ماتـغـيـر قـنـاعـات
-------- دام الخـيـانـه فـــى زمـنــا مـبـاحــه

لـو بـرروا زيـف المشاعـر بغايـات
-------- تبقـى علـى ماقـيـل كــذب وبجـاحـه

ياقلب لو صارت طعونـك مساحـات
-------- لابـد مـا تلـقـى مــع الـوقـت راحــه

مابـه صداقـه فـى زمــان المـلـذات
-------- دام الاخــوه شــى سـهـل اجتيـاحـه

العـذر فــى كـثـر الخطـايـا اهـانـات
-------- والمغـفـره يـاذنـب جــرم استبـاحـه

ماهو خطاء لاعفت بعض العلاقات
-------- اصلـن خطـاى بطيبتـى والصراحـه

....