روائع بن فطيس **دمـــعة الرجــال **آآآآه
قد عطيتك وانت ماضنك لئيم**
والنصيـــــحه لليــــالي تذكـــــره**
لاتحرك جرحي الماضي الأليم**
ولاتحسب ان طول بعدك طهـــره**
كل جرح يهون يالجرح القديــم**
وكل شي قد مضى معك اذكـــــره**
جرحي وذكراك والليل البهيــم**
حزت فؤادي بمثل المــــــــنشره**
العذول غراب وانا اكبر غشيــــم**
والجروح الماء وطاريك حجـــــــره**
والزمان اكرم من الحظ الكريـــم**
لاتفتح لي باب صوبك ســـــــكره**
وحبك اللي لاطرى لي رحت اهيم**
قمت احسب اصغر كلامك واكبــره**
ليتني عاد الهوى توه فطيـــــم**
انعذلت لعاذلي بس خيــــــــــــره**
مالقيت من الوفاء يا اول نديم**
كون صدق الحزن وجهه وظهـــره**
عقب رمح الشوق في وجه الصميم**
سيف هجرك في قفاه وشفـــــره**
وانت شكلك تحسب اني في نعيم**
لاني اخبي صوابي واســــــــــتره**
لايغرك حلم رجال حليـــــــــــم**
مهون اللي من سكوته فجـــــره**
ولاتحسب الجفن من دمعه عقيـم**
يستحي منك واليا اقفيت انثــــــره**
ولايغرك وان بدا جسمي سليــم**
والله ان جسمي ســــوار المقبــره**
والله ان امر من ضحك الغريـــــم**
شوف حقي بين اياديه اشكـــره**
والله ان احر من دمـــع اليتيم**
دمعة الرجـــال من فرقا مـــــــره
والله كلام جميل يابن فطيس
انشالله تحوز على رضاكم
تحياتي وودي وتقدير واحترامي
محمــــــ بن صوفان ـــد
|