منتديات بني عمرو - عرض مشاركة واحدة - ||~ أًتًعّْلًمٍيْنٌ .. أيَّ حٌزّْنٍ يًبّْعًثٌ آلْمًطًرْ ?!

11-03-2010, 02:04 AM

يابوي ليتك حي وتشوف حالي

وتشوف وش هو صار من بعد فراقك

صار الوطن من بعدك من الناس خالي

صار الوطن غربه من بعد ما فقدناك

يابوي انا بعدك سهرت الليالي

مقهور من دنياي منا ومناك

حدتني الدنيا وانا راس مالي

اني عزيز النفس مثلك وشرواك

مافيه شئ بحياتي صفالي

حتى الورود ان جبتها صارت اشواك

اطيح واحمولي عليّه اتقالي

واتخيلك مديت لي كف يمناك

بعدك ولا مره ترى ارتاح بالي

اصفّق على كفي ندم واتحراك

من ضيقتي ياكم اصّدق خيالي

اقوم ادّور عنّك واقول بـ القاك

أضيع بالعالم وهمي سؤالي ؟؟

هو أنت ؟ وينك ؟ماعاد شفناك ؟؟

ادري لو انك حي ياعز غالي

يمديك تفزع قبل ما جيك وانخاك

ويلاه ياحالي وما هو جرالي

ويلاه قلب (ن) تعذب بطرياك

ويلاه يابوي من اول وتالي

لا........ والله ........اول كان ينجيني ادعاك

واليوم من بعدك وش اللي بقالي

غير ادعي ربي يغفر خطاياك

يالله حطّه وسط منزال عالي

في جنة الفردوس يارب الافلاك

واغفر ذنوبه ياعزيز الجلالي

واشرح لي صدر ضااق من جور دنيااك