يا حادي الركبان وشد رد القوافل فالعقال=دعها تسير ان روحت ولا عسى ما ترجعي
ماني مكلف بالمتون اللي تعشاها الهزال=للـه .. ولا من دون محدود الهقاوي مدعي
مانيب انا اللي عاش باحضان الغواية والضلال=الخير في بحبوحته متريح متربعي
تشرق شمس يطلع بدر يبني هلال من هلال=انا مشفر للمعالي والمعالي موقعي
ياللي تسل من قبل ما تسأل نجاوب عالسؤال=اكبر سؤال اصغر اجابة له تقض المضجعي
وان قلت وسع خاطرك والله ما من وسع بال=ليه انقل التعبات في صدري تهشم اضلعي
يشيلها الراضي بها مليت من نقل الثقال=كثر الحمول على الفتى تجعل فؤاده درسعي
المستحيل انه يصير واللي مواصيله محال=صيرت ذا وآصل لذا مهما ييكون العي .. عي
لان "انتبه" و "احذر" و "حسك" ما قريت لها مقال=الا و "هونها تهون " ألغيتها من مطبعي
احارب اولاد الحرام واحذر من اولاد الحلال=لان المسافة بينهم صارت تقاس بالاذرعي
والصاحب اللي ما يوردني على العذب الزلال=ما عاد يقنعني ابد ولا وجوده مقنعي
وان قالوا الساري سرا قلنا على الله الاتكال=هيا لها واسم المكارم والفضايل مطمعي
لاني ترويت النعارة مالجبال اللي جبال=فيها من العزة ما قال الله وشم تلعي
جنوبي ما انطفي وانا مدى العمر اشتعال=ما ينحدر عقب الطلوع الا هبيل ما يعي
واذا وصل فري القصايد والمقاريع الجزال=يحتار نقاد الادب بيني وبين الاصمعي
بنات فكري يرقصن من رقصهن مال العقال=ومن محاسنهن نظمت الشعر ومن الادمعي
اعيش واقع ما اتربز في مواقف الابتذال=ان قالوا ان حنبلي وان قالوا اني شافعي
والمرجلة ودروبها ابوي ووصاني وقال=اما كسبت رهانها ولا اعتبر نفسك دعي
قلت استرح يابوي .. قال الله بقاك ولا تزال=نبراسي الوضاح والسيف الشطير الباتعي
انا على الطيب اسرع من البرق في دهم الخيال=وابطى من ابو ذر عالفتنة وقل منفعي
وان دربست معنا شوي وعبست سود الليال=عيني على نجم الجدي وعلى النجوم السبعي
اهدا .. ولكن يعتريني جن تشويش وهبال=لا حنتم البارود والعرضة وصوت القزوعي
اشرب بكاس الفخر والعزة الى حد الثمال=وولعي يا نار في خشم الفتيلة ولعي
مانيب متسرع ولا مطفوق لكن عال عال=مقدام وشجاع كريم فيصلي المعي
جنوبي ما يعطي التفكير فسحة او مجال=ما سأل على أي جنب كان في الله مصرعي
جاك الكلام اللي كلام ولا تكثر في الجدال=العمر مرة وانتبه ساعة تشير لك اصبعي
تر عودنا البارود ومراياتنا بيض السلال=لا حد يطالب بالهدوء .. وكلها هذي معي