البدع
أنت منا وفينا وانت راعي الدار
نحتمي في بعضنا والخطر يندار
ماحتقِر من يجاملنا ولا أحتَقر
نحبك الشعر خل الكتب نثر
ناس تحكي علينا في القفا باهملها
مالها والمشاكل قل لي مالها
الرد ......الرادار
موال
راعي الوفاء والطيب نطقة دليلة
في كل وقت وكل يومٍ وليلة
سيفه في الميدان يسمع وليلة
طول علينا الوقت ياليل ياليل
الرد
خايفٍ م الزمن يا صاحبي لا دار
مايفيد العيون الخزر والحندار
والهدف في مكانه بعد رحت قر
ما توسطه عبرودٍ ولا نثر
بعد شفت الغون تنشد ما بهملها
والعرب تشتكي من قل مالها
البدع ......دكتور المنتدى
موال
أنا اعتقد مغزاك واضح وبين
لاعاد تتخفا علينا وبين
نظم الشعر ماهوبسهل وهين
طول علينا الوقت ياليل ياليل
البدع
من صعد للجبل لابد مالحدار
وانا بحر تحدى موجة الاعصار
خل نيشان طيحته من العصر
والبراهين دور ...ماله الاثر
غلطة الي تحبه صعبة تقبلها
كل ماقلت وانسى جاك علها
الرد ......الرادار
موال
مالك معي دينٍ ولا ابغى تدين
مادمت متمسك وطيب ودين
تقسى علي مرة ومرات لين
طول علينا الوقت ياليل ياليل
الرد
كان راعي البيوت العصم ملح الدار
لأجل لا اشتاق له قلب المولع صار
مثل قرص العسل لا عصر وانعصر
مايزول الطعم لو قل وان كثر
من كفوفٍ وفية واجب تقبلها
حد نفس الرضا ما جاك علها
عزيزي الرادار ........كانت من أسعد الفرص ان التقي بك في هذه المحاورة الهادفة التي حاولنا فيها إيصال رسالة معينه .........تحياتي
البدع ......دكتور المنتدى
موال
المعذره كان الخطا جاك مني
والله مااقصد لا تسيؤن ضني
مرات أمولها ومره تغني
طول علينا اليوم ياليل ياليل
البدع
بين الفجر نوره وانتهت لعذار
من يخوض البحر سموه بالبحار
كل معناً جميل بان واستقر
والهدف ذا بغيت وصل وانتشر
من مسك ناقته لاهاجت وعقّلها
ماتجيه الحسايف من عقالها
البدع ......دكتور المنتدى
موال
لولا الثقة يا صاحبي والتمني
ما كنت دكتورٍ وشاعر وفني
اقولها واسمع بما قلت عني
طول علينا اليوم ياليل ياليل
الرد
نور شمس الحقيقة يوم ولع ذار
ما يغير هدفنا لو تقلب حار
وانت مثلك على علم الوفاء استقر
دام ما انوي لك بشر ولا انت شر
نثبت المعرفة للناس ونعقلها
تو روسٍ تلزم في عقالها
نأمل أن تكونوا قد استمتعتم معنا ........وتقبلوا تحياتنا ......أخوانكم /الرادار......و ......دكتور المنتدى