ابن الذيب شاعر ولايضره نبح الكلاب امثال الشبرمي ولا غيره من طحالبة الشعر الشعبي كما سماهم ابن الذيب
فهؤلااء الطحالب يدورون الخطا وكل انسان خطاء وابو راشد شاعر فحل من بيئة شعر وابوه من فحول الشعر الشعبي
وقد قالها ابن الذيب يلومون شاعر يصرف احساسه النعيت وينسون من ياكل حلال البلد واهلهاا................
ابوووه راشد ابن الذيب مروي السيوف المعاطيش ومن منا لايعرف راشد ابن الذيب معلومه بسيطه عنه اهديها لكم يابني
عمر
الشاعر الكبير راشد ابن الذيب رحمة الله واسكنه فسيح جناته
صاحب البيت المشهور
الصبي وان طاب قالوا(من خواله) ..
بالخوال يسال قبل الوالديني
وهنا اخواني الاعزاء دعونا نقف وقفه مع راشد الذيب رحمه الله
الشاعر راشد بن حسن الجمعه العجمي الملقب ( بالذيب ) كان يشتغل سوّاق في ارامكو
وكانت انظمة ارامكو تمنع السائقين ان يشيلو الناس الي يقفون على الطريق (( العبريه )) ..
والشاعر راشد الله يرحمه كان يخالف التعليمات وكل هذا من الحيا الي فيه و المراجل
يوم من الايام أشرت له عجوز ومعاها حمار قالت له وصلني يا الأجودي قدام شوي
قال ابشيلك بس الحمار لا قالت له : خلاص روح الله يستر عليك بيجي الذيب ويشيلني ان شاء الله
((تقصد المرأه راشد العجمي))
.. قال لها يا خاله انا راشد الذيب .. اركبي وابشري بالخير ..
وله في ذلك ابيات جميلة
قالها إبن الذيب من هاجوس باله
كلمةٍ يلعب بهـا والبـال زينـي
قالها يومه طرالـه مـا طرالـه
من هواجيسٍ تشيب المرضعينـي
غرّني بعض الرجال بكثـر مالـه
مادرى إن الموت في حبل الوتيني
كيف ينفعني وبعض الناس خالـه
ما يدوم البيت كان الساس طيني
ماش وين اللي عوايده الشكالـه
مثل إبن ظافر حمد ليتـه يجينـي
الثنا والجـود دايـم فـي خيالـه
علّمـه ظافـر سلـوم الطيّبينـي
جـوّد العليـا ولزّمهـا عيـالـه
وأدركوا من علمته دنيـا ودينـي
واهني من باع حظّـه وإشترالـه
سار في درب النبي وأخزا اللعيني
موقفـه ماكـل رجّـالٍ ينـالـه
ومن بغا ممشاه يقعـد مرّتينـي
وكم ذبح من حايلٍ من حر مالـه
وعادته لطمة خشـوم العايلينـي
حالفٍ ماخذ على الطرقي ريالـه
وبالثلاث محرّم إنها مـا تجينـي لا لقيت اللي على السكّـه لحالـه
يلتفت ويقول : ويـن الطيبينـي
أقف الموتر حيا وأبغـا الجمالـه
يوم ولد اللاش وجهه ما يلينـي
والطمع في كرّوة الرجلي رذالـه
خصّ به وإن جا مجال الغانمينـي
والردي في حالةٍ ماهيـب حالـه
يا عوينه من كـلام الشامتينـي
الولد وإن طاب قالوا : من خواله
بالخوال يسـال قبـل الوالدينـي
وأركبه لعيون مـن زيـنٍ دلالـه
ما تحاكوا في قفـاه الرامسينـي
ما بغى غيري وأنا مابغـا بدالـه
قاعدٍ لي بالرجـا مـدّة سنينـي
ما قعدنا فالعمـل نبغـا الرزالـه
ناخذ العليا طريق الفايزيني
وأشرب الفنجال وأكـب البيالـه
تابـعٍ سلمـي سلـوم الأولينـي
وهذه نبذة لراشد ابن الذيب رحمه الله ومحمد ماخذ نهج ابيه وجده
شكرااااا لك يامحمد ال نبخ لولا تحفظي على بعض الردود تجاه ابن الذيب
|