الرادار:

اقدرك ياسعد بالحيل واغليك
لكن قطع اتصالك فيه شكة

وانا اتنشد ولا ادري عن خوافيك
لكن اخبر ان لك في الطيب سكة

ان كان لد الزمن نظر الجفا فيك
معاد لك عن سهوم العين فكة

وانا اثبتك في الخفا وادحر معاديك
ولا نويت الخوي مثلك بحكة

لكن جاني مع غيبتك تشكيك
والوضع بين ليا ما زاد تكة

وختامها كلمة بالعرف تاجيك
ماكل سمن يجي من بطن عكة

سهد الضمدي:

اهلين ياشاعرا واشكر مساعيك
فتحت باب الامل قبلي واصكه

شرفت وانا انتظر بحلى معانيك
بنيت معنى كما بني البلكه

اتعيش وانشدت عني والامل فيك
انا بخير انوي العاصي وادكه

امشي بطاعه ولي العهد وامليك
احج والطاف واصلي بمكه

انا معك في مجال الحق واعليك
ماني غشيم اشتري حكما بلا اكه

انصحك لاتركب الا في تلفريك
واجمع حلالك في الطيب وزكه