سافر وّودعتك الله وازهل من غلاك=
لا تحاتي وانت حُبّك مع دمي مذاب

كيف ابهوى شخص ثاني وابتناسى هواك=
كيف ؟؟ قلّي وانت تدري إن قلبي معك غاب

ما حدٍ بالروح بعدك ولا قبلك ... سواك=
أنت وحدك حاضر وكل خلق الله غياب

أنت لو بَ شبّهك ما بقول إنك ملاك=
والحكي في وصفك يخيب والتعبير خاب

أنت لا شفتك اسبّح لربّي من بهآآك=
جلّ سبحانه تعالى هو الحيّ المُهَاب

والله إنّي بالمحبّة على عهدي معاك=
عاشقك لا يمكن يتوب عنك ويستتاب

لو هنا .. حبك .. علا .. ما نقص حبّك ..هناك=
باقيٍ حبك بقلبي إلى يوم الحساب

بس تكفى لا تسمّع لْ هَذاك وْ هذاك=
لاتخلّي للعذل صوبنا مدخل وباب

العواذل سعيها في آذاي وْفي آذاك=
جنّب إحكاهم حبيبي وطاب الحب طاب

ودامني معلن ولائي لك .. إعلن لي ولاك=
ولا تخاف من العواذل ولا تضرب حساب

ولا تفكّر في عدايه ولا بخشى عدآآك=
وخل عذال الهوى يالغلا .. تآآكل .. ترآآآآب

بقلم وإحساس / جبرني الوقت
( محمد آل مريع )