أرسمك صورة خفيّة : واحفظك عن كل بال ,
ما أبي تطري عليهم .. وأنسئل عنّك .. وأعييييد :



راح يبني له مدينة مابها لـ غيري : مجال ,
هو ملك وأنا [ ملكته ] حتى مافيها عبيد !



واذكر إنه صبّ صوته في دلو إذني وقال :
" خلّي بالك من عيوني واحرسيها لا تبيد "



في بساطة شلت ذاتك وانسكن بي ألف حال ,
ضيق , خنقة , إبتسامة , صمت فـ بعادك أكييد !



مرّ عيد الـ فطر الأول ماوصل مِنْك إتصال !
مر ثاني | مر ثالث | والـ خبر ماهو مُفيد !



صاحبي : كل شي حولي وصّل لحد الـ خيال ,
صرت فـ عيوني أشوفك وأكتبك فيني قصيد !