الشـوق لـو ينكتـب بـاوراق أشكثـره = ولو اسهر الليـل حبـك اكبـر اعـذاري
شخص (ن) يشوفك ولاينصاب من نظـره = كـل المزاييـن عنـده مالـهـم طــاري
وشخص (ن) يشوفك وحبك ماخسرعمـره = هـذاك انـا ياحبيبـي وانـت بـي داري
كل المسافـات بامـر الحـب مختصـره = بس ..اسعديني بقربك واخـذي اسـراري؟
كـل الصفـات الجميلـة فيـك منحصـره = مـع كـل هــذا خفـيـف دم تـمـاري
الورد منك سرق الاحسـاس فـي عطـره = وانتي سرقتـي علـي قلبـي وافكـاري!
وشلون ..قلبي معـك مامـل مـن صبـره = لكـن لسـود العيـون يهـون مشـواري
انت اول السطر .. وانتـي اخـر الفقـره = وانتي نقاط الحروف ان صرت انا القاري؟؟
القلب لو سـج عـن طاريـك وش عذره =يمكـن نسانـي وهـو لمشاهـدك سـاري
من دونـك الليـل مظلـم وانتـي القمـره = وآشوف مالك مثيـل (ن) يلفـت انظـاري
تسمح ..حبيبي ,فضولـي انكشـف امـره = سمعني االلي حفظته لـي مـن اشعـاري
تراك عذبتنـي ..لكـن ... علـى فكـره = يوم (ن) شبكنـي بحبـك اجمـل اقـداري