والكل بـك يلـزم ويهنـا بعطفـك
عندي وصية مـا بعدهـا معاذيـر
للزوج ولفيصل عساها على مسـك
بوفيصل الله يبعد عنك كل المخاطير
أوصيك لا تقطع وصالـك بربعـك
لا تبهجك بعـدي كثيـر المناظيـر
ولا تقطعه بعدي وصالـك لرحمـك
ولا تبعدك بعدي كثيـر المساييـر
وابغاك ماسك في معالـم شهامتـك
ويا فيصل اللي لك بقلبـي مناويـر
علّـق بهـا قلبـي وذكـراه حبـك
أوصيك تبعد عن جميـع المحاذيـر
واحفظ على شاني كنوزك وسـدك
وابعد عن اللي شينهـم بالمعاشيـر
ترهم على الزلة يغشـون رشـدك
يُمه . بعد دفنـي وبعـد المناديـر
تحت الثرى ما عاد لي غير ربـك
اكثر لـي الدعـوة بكـل المنابيـر
واعمل لي الصالح عسى الله يعزك
يالله ياللي بك تعز المجاوير
ادعيك تجمعني بهم وسـط جنتـك