يا ويح قلبي كل ماهبت الريح=على وليفٍ راح واغلق جهازة
رغم ان ماله خارج الدار تصريح=سافر وخلاني على غير عازة
كنه يبي يفرفش مع الناس ويسيح=وانا على شانة خذيتي الأجازة
ما فاد لاحب ولا فاد تلميح=في وسط قلبٍ داهم الحب طازة
اصبح يشيل الصوت ويون ويصيح=كنه ضعيفٍ من يعادية هازة
ومن جور ما به باقي اشوي ويطيح=مثل الهدف لا عاد دونة حفازة
خلا الكيابل تلتمس دون تصليح=عدادها احرق قوة الضغط فازة
من كثر حب زاحة الوقت ما زيح=في خاطري لو عرض ع الشيخ جازة
ولعاد طول في صلاة التراويح=عود يصليها صلاة الجنازة
الحب مايرحم قلوب المجاريح=يغدي بداخلها مثيل الحزازة
ـــــــــــــــــــ=ـــــــــــــــــــــــــ
ــــــــــــاطير=واسبحــــــــــــــــ
اهديك كلمة حط من تحتها خط=من شان تذكرني بها لا تناسيت
مافية غيرك في وجودي حشا قط=يا مالك قلبي وياشمعة البيت
ياللي غلاك بداخل القلب ينحط=ياليت ما تغيره الأوقات ياليت
بيني وبين القافية الشط والحط=لكن غصبٍ تاصل احدى عشر بيت
لو كنت امط ابياتها يا قمر مط=تستاهل التقدير وإن قلت وفيت
القلب من ذكر اسمك الى طر نط=وانا مع الهاجوس والفكر سجيت
افرق على شانك مع مفرق الشط=ولا خبرت اني نسيت وتعديت
وان جيت من قدام بيتك مع الخط=الد نظري وان دعا الأمر هديت
اطير واسبح في غرامك كما البط=وانشد ذعاذيع الهواء ويش سويت
واصبح نظامي في حياتي ملخبط=وانت السبب ياعز مخلوق حبيت
وفي النهاية بدل الخط بنقط=والعذر ياعمري ليا مني ابطيت

الشاعر :مبارك العمري