اسقاطات ابن الذيب وسبب تهجم الشعار عليه
هذي من سقطات ابن الذيب :
اجيك عاني واعود ماني بعاني
مراجلك وادي العجمان داهلته
ياهل جنيف ارسلو هرمون حمداني
حتى الردي في ولده تنحل مشكلته
ويلقح الزوجه من المصل مجاني
وينام مرتاح لاازعلها ولا ازعلته
وهذا مقاطع فيديو :
وكذلك يقووووووووووووووول ابن الذيب
البارحه مالله هداني على النــــــوم == عيني من الهوجاس فيها حــــراره
من كثرة الشعار ماني بمهمـــــــوم == أطقع الشعار في كــــل حـــاره
هذا ومعي حلقوم واحد وملغــــــوم== وانا في تالي البدي وانا الغـــــماره
وشلون لو عندي ثلاثين حلقــــــوم== خليتهم دماستن في غضــــــــــــاره
العود الازرق عند راعيه سلـــــوم== حسب مقام الضيف والا وقــــــــاره
وصدارة اهل الفن عند ام كلثــــوم== الله على المتصدره والصــــــــــداره
الواقع تعيشه واعيشه يازيــــزوم==بنيت في شعري لربعي حضــــــــــاره
لو اسكن بفندق فخم خمسة نجوم== والا بخيمه في طرفها زبـــــــــــــاره
مكاننا هوهو واضح ومعلــــــــوم ==وتقديرنا اكبر من اكبرعمــــــــــــاره
وفي معركة كنزان لاتبعد الحـــوم== عبدالعزيز احنا السبب في انكسـاره
واللي تبطحله اليا وقف القـــــــوم == ساعة ذبح ضيدان خذنا بثــــــــاره
وضيدان فيه علوم وعلوم وعلوم==مدري سنام المجد والا فقــــــــــــاره
عشنا بقطر غصبن على الفرس والروم== وجداننا ماشاركو في الزباره
ولو شاركو يابري حالي وياقـــوم== ماكان ابومشعل امير الامـــــــــاره
بالعكس كان الكون في يديه محكوم ==لانه جدير ويستحق الجـــــــــداره
ويعيش ابو مشعل عقيدن وزيزوم== والشعب في راسه طموح ونهاره
.................................................. ............................
الشعار ما خلوا أبن الذيب ...
رد الشاعر/مبارك بن سالم آل نويمي آل فهيد الهاجري
فكري على قلبي صدر منه مرسوم***وترجم لساني ماتضمن قراره
مضمون مرسومه من الشعر منظوم***نيابةٍ عن من نواه استخاره
ياللي طلعت بهرج لاذع ومسموم***ومن كبر كلماتك تهز العمارة
والمفردة لاقلتها كنها كوم***كبرتها من شان تحدث إثارة
هرج من لسانك خطير وملغوم***نسمع دويه من شديد انفجاره
وماني وكيل الله على كل حلقوم***وكل على رايه يحدد مساره
يامحمد ابن الذيب جاء منك علوم***مادري قدك إياك والا عياره
ماتلعن الشيطان وابليس مرجوم***اول شبوب النار ولعة شرارة
نصيتها شيخ مجرب وصيروم***شيخ الشيوخ اللي براسه نعاره
يعيش ابومشعل سند كل مضيوم***ومنزح ِجمع العدا من دياره
ويوم الزبارة ذاك يوم وله يوم***بوقت تناصوا فيه ذيك النماره
واهل قطر ساروا ورا مقدم القوم***الين حقق للجميع انتصاره
واهل قطر لاصار زاهم ومزهوم***يردون لين الجو يركد غباره
وافعالهم يصبح بها الخصم مهزوم***وحتى التعادل حاسبينه خساره
وتقول للشعار من كل شغموم***بتحطهم في وسط ذيك الغضارة
واتبعتها هرج من الذوق محروم***باسلوب ضمنته صخيف العبارة
هرج وضيع ضايع دون ملزوم***وادخلت يدك بمظلمات الجحاره
ولولا الحيا والميز واقدر سلوم***على الكلام الشين عندي جسارة
وانا اترفع من ردى الهرج واشوم***واحب منهو مارضى بانحداره
والرجل لامن مد يده بتسلوم***قدم يمينه مايقدم يساره
ومن لايحشم النفس ماهوب محشوم***ومن لايعز النفس ضيع وقاره
والا جهلت بامر والحل معدوم****من خيرة العراف خذ الاستشارة
وماخلق مخلوق عن الذنب معصوم***والحر من ذكاه يعرف الاشارة
اما اعتذر والعذر يعفي عن اللوم***والا فمن له ثار فياخذ بثاره
رد الشاعر علي بن فطيس المري
انت ابن خر الذيب وتطيش وتهوم****وشلون لو انك سمي النماره
اسمك ب(خر الذيب) للناس معلوم****واخذت لك اسم بديل استعاره
ليت القزاز اللي على الكوم مردوم****راعيه مايرمي العرب بالحجارة
يامطقع الشعار بالخطم مبلوم******خذ بالغضاره غصب عنك استدارة
والا بغيت الصدق منته بمليوم****مادام يلهمك الكرك والزقارة
على الجباوة حسب ماقلت مفطوم***هيس على قرنيه يحثي غباره
ويوم الزبارة كل نفس لها سوم****يوم يطيش الموت به من حماره
يوم مصيره لو حضرتوه محتوم***نصره لمنهو كايد النصر كاره
وللشيخ ابومشعل من المدح مقسوم****غصب عليك تشب في الكبد ناره
شيخ خلق يأم ماهوب مأموم***يزهى الامارة عز ربعه ودارة
-رد أحد اعضاء المنتديات ورمز لنفسة بأبن الجنوب
يامحمد ابن الذيب جاء منك علوم****مادري قدك إياك والا عياره
ماتلعن الشيطان وابليس مرجوم****اول شبوب النار ولعة شرارة
نصيتها شيخ مجرب وصيروم****شيخ الشيوخ اللي براسه نعاره
يعيش ابومشعل سند كل مضيوم****ومنزح ِجمع العدا من دياره
ويوم الزبارة ذاك يوم وله يوم****بوقت تناصوا فيه ذيك النماره
واهل قطر ساروا ورا مقدم القوم****الين حقق للجميع انتصاره
واهل قطر لاصار زاهم ومزهوم****يردون لين الجو يركد غباره
وافعالهم يصبح بها الخصم مهزوم****وحتى التعادل حاسبينه خساره
لاحول ولاقوة الابالله
لاحول ولاقوة الابالله العظيم
وكذلك رد الشعار عليه بقصائده على اليوتيوب