1-ماهو مجال تخصصك؟
Urban Design - جزء من تخصصات العمارة والتخطيط ويتم التركيز فيه على التصميم داخل المدن .
2-كيف بُلغت عن رمضان؟
طبعا, الكل كان يتحرى خبر اعلان اول ايام رمضان ..وعن طريق موقع قناة العربيه عرفت ان السعوديه سوف تصوم الاربعااء.
3-هل تقضي غربتك الآن في بلد مسلم أو غير مسلم ؟ أين بالتحديد؟
امريكا ( ولاية جورجيا ) ... بلد مسسلم اوو غير مسسلم ؟؟ القضيه فيها خلااااف ترى بجد 
بجد بجد ترى .... انا انفجعت لمن عرفت الموضووع
4-كم رمضان قضيت خارج الوطن ؟
هذا ثالث رمضان على التوالي ..نسال الله ان يتقبل منا ومنكم ومن جميع اخواننا المسسسلمين.
5-هل تشعر بأي فرق بين رمضان في الوطن وخارجه أم لا فرق ؟
بكل تاكيد صيفنا مع اهلنا احلى خخخخخخ < دعاياات المجد
كل مكان له لذه وطابع خاص ...بالتاالي جو رمضان مع الاهل واصوات المساجد ( وريحة المقليااات في العصرريه وزحمة المغررب) اكيد احساسس غير.
خارج الوطن الواحد يحاول يصنع حوله اجواء رمضان الي تعود عليها.... مثلاا حلقات على مائدة الافطار للطنطاوي رحمة الله عليه موجودة في اليوتوب, ( تنتهي الحلقه ويحس الواحد انه صحى من حلم). بس بالتاكيد نفتقد الاهل وجمعتهم وصيااااح الصغاار ( ولي الغسسسالة<< الله يسسسامحك ياا امي )
6-كم عدد ساعات الصيام في بلد الابتعاث ؟
ما اضن فيه فرق كبير عن السعوديه( تقريبا 15 ساعه)
7-أين تفطر في البيت ؟ أم مع الجاليات المسلمة في المساجد؟
في الغالب في البيت... تمر وقشطه ( مافيه فرق يعني عن العزابيه في الرياض ولا جده وولا غيرها من المدن) واحياننا لمن يكون الواحد رايق ووقت اجازه الفطور على كبسسسه خخخخخخ...
برضه في شبااب هنا متاهلين مايقصرون يحاولون يكسبون اجرر في ( الضعوووف مثلي وعيناتي ).
8-هل يتوفر عندكم التمر أو كيف تحصل عليه ؟
فيه تمر محلي هنا بسس مايصل لجودة التمور في السعوديه.... الحمد لله الاهل مايقصرون يرسلون تمر وبعض المحلات العربيه تبيع تمر مستورد من السعوديه.
9-هل هناك تأثير للصيام على دراستك أو العكس؟
اكيد فيه تاثير .. بسسس يمكن تقصد هل التأثير هذا سسل
بي اوو ايجابي؟؟ << بداء يتلفسسسف خخخخ ..... رمضان جيد . يمكن يقل الوقت الي يشعر الواحد انه مهيأ انه ينجز عمل معين... ولكن الامور تمشي فيه بسلاسه وتوفيق من الله.
10-كيف ردة فعل الاجانب لك فترة صيامك ؟
غالبيتهم مايدرون اصلاا مين صاام ومن افطر...بالنسبة للزملاء غير المسلمين يبداءون يسئلون ليش تصومون ؟ متى تقدر تاكل؟ ممكن تشرب ماء اوو لا ؟؟
11-اين تؤدي صلاة التراويح ؟
المدينه فيها مسجدين....والحمد لله السنه هذي عندنا امام باكستاني حافظ للقراءن ومتقن لمخارج الحروف العربيه ( افضل مني ومن كثير من العرب الي هنا) نحاول اننا نصلي معاه رغم ان المسجد في طرف المدينه.
12-هل تعرضت لمواقف محرجة مع الأكل اللغير حلال كالخنزير والسلطات المتبلة بالخمر؟
المصيبه هنا ان الخنزير له مليون اسم.. في احد المطاعم ,طلبت وجبه رز ودجاج بس مفرومه مع بعض بشكل عجيب..اكلت منها وحسيت ان الوضع مو مزبوط... الشخص الي جالس معي على نفس الطاوله يهودي وهو برضه ماياكلون الخنزير .. ناظر فيني وقال .. ايوه ترى فيها لحم خنزير.. انا الدنيا انقلبت في وجهي وطلعت من المطعم على الفندق ... وعلى دورة المياه وجلسست ( الله يكرمكم) اسسستفرغ لين بغت تطلع عيووني... رفعت راسي اناظر في المرايه واحساسي يقول انه اخر يوم ممكن اشوف فيه نفسي..( ششفت الموت والله)...... بسس بعدها درسس ما عاد ااكل الا دجاج واضح تفاصيل الفخذ وبدون اي اضافات.. ( والله لايعرضكم ولا مسلم للي شفت)
13رسالة توجهها ( لك المجال) ..
طبعا اتوقع اني طولت عليكم ... وطاال المطااال طال ووطوول<< خخخخخ هذا الاسترسال بدل مايكون في شي نافع نسسسأل الله السسلامه .
لا بجد . الشكر طبعا لابو ريان انه تذكرنا وبادر بالمبادرة الطيبه هذي( وان ششالله انه يعدل بعض الخربطة في الاجابات هذي لاني ما ادرري بسسبب اول يوم رمضان او وشش السالفه بالزبط بس احسس اني متغير )... الله يعلم اننا نتابع المنتدى احياننا وخاصة الشبااب المجتهدين بتنزيل صور من الديره ولاهلها ونتمنى للجميع التوفيق في كافة المجالات. ( والله يسسد بكم ثغرة من ثغور الاسلام ).
اعذروني على ركاكة الاسلوب فلكل انسان مجال << وبلاااشك مجالي ليس في الكتابه 
بقي ان اذكركم ونفسسي بتقوى الله<< مسسوي مطوع الحين خخخخخخ الموضوع جد ماهوو مزح والله لكن الله يزيل عن قلوبنا الغفله ومانصير هيك << ياااااي
.. كلنا مقصرين والحيااه وتقلب ضروفها يشيب الراسس ولكن لاابد اننا نذكر بعض ونتواصى ونجتهد اننا نصحح اوضاعنا... اتذكر قصة لعمر ابن الخطاب( على ذمة كتب التاريخ ) عندما اصبح خليفه سافر للحج الى مكه ..... مر على وادي في مكه ثم قال. لقد كنت ارعى ابل للخطاب في هذا الوادي ..( يبدوا انها فترة معاناه كان يمر فيها مع والدة حيث انه كان يوبخه ان عاد للبيت مبكر اوو إن تاخر... في كلا الحالات ابوه ماكان راضي عليه )..وعندما وقف على الوادي وتذكر كيف كانت حياته وكيف اصبحت وتغير الاحوال عليه قال:
لا شيء مما ترى تبقى بشاشته ..... يبقى الإله ويودي المال والولد
لم تغن عن هرمز يوماً خزائنه ..... والخلد قد حاولت عاد فما خلدوا
ولا سليمان إذ تجري الرياح له ..... والإنس والجن فيما بينها ترد
أين الملوك التي كانت لعزتها ..... من كـل أوب إليها وافـد يفد؟
حوض هنالك مورود بلا كذب ..... لا بد من ورده يوماً كما وردوا.
الله يحسسن لنا ولكم الخاتمه في الامور كلها .. والصلاة والسلام على سيدنا محمد وعلى اله الطاهرين.
بدورنا نشكر للأخ الكريم استجابته وروعة إجاباته ومصداقيتها وقد كانت بريئة وطبيعية وسلسلة وغير متكلفة بل واقعية وجميلة ..
ولنا ضيف قادم بإذن الله ..